Қазақ тілі
Русский язык 
Техниканы жаңарту деңгейі 56%-ды құрады. Облыс әкімі Ералы Тұғжанов орман шаруашылығы қызметкерлеріне жаңа арнайы техниканың кілттерін табыстады.
«Мемлекет басшысы Қасым-Жомарт Тоқаев өзінің Қазақстан халқына Жолдауында бес жыл ішінде елдің мемлекеттік орман қоры аумақтарына 2 млрд ағаш отырғызуды тапсырды. Ақтөбе облысының мемлекеттік орман қорында 60,2 миллион ағаш отырғызу жоспарланған. Аталған жұмыс аясында өткен жылы 11 млн, ал биылғы жылы шамамен 15 млн көшет егілмек. Бізге тек ағаш отырғызу емес, сонымен қатар жасыл желектерді сақтау міндеті қойылған. Осы орайда жасыл желектерді отырғызу мен күтіп-ұстау, сондай-ақ өрттен қорғау үшін материалдық-техникалық базаны нығайтуға нақты шаралар қабылдануда», — деді облыс әкімі.
Жаңа тракторлар Ақтөбе, Шалқар, Мәртөк, Темір, Қобда, Ұйыс, Айтекебий аудандарының орман шаруашылығына, сондай-ақ биыл Моғалжар ауданында құрылған Орқаш орман және жануарларды қорғау мекемесіне жеткізіледі.